„თავაზიანობის სკოლა“

http://gonisdziebebi2009.blogspot.com/

ღონისძიება მომზადებული იყო  ''ფასეულობები ძალადობის წინააღმდეგ''  პროექტის  ფარგლებში და ჩატარდა მეორე კლასის დასასრულს.

           ღონისძიების ძირითად ნაწილს შეადგენდა, თეა ლობჟანიძის (პროექტის კოორდინატორი) მოთხრობების  ინსცენირება (მოთხრობები შექმნილია ფასეულობითი განათლებისთვის): „მტირალა ზაზღუ“, „რა ვაჩუქო ნინის?“, „ღუტუნას მუცელი ასტკივდა“, „აბა, ვის ვეთამაშო?“

          ღონისძიების მიზანი იყო ბავშვებს გაეხსენებინათ და სხვებისთვისაც ეთქვათ, თუ რას ნიშნავს ესა თუ ის ფასეულობა; რას გრძნობენ სიყვარულის, ბედნიერების, პატივისცემის დროს, როგორ გამოხატავენ პასუხისმგებლობას და ტოლერანტობას - ერთმანეთის მიმართ. რამდენად კარგად შეუძლიათ თანამშრომლობა და ერთობა...

            სპექტაკლების მეშვეობით მათ აჩვენეს ის უნარ-ჩვევები, რომლებიც შეიძინეს ფასეულობითი განათლების მიღებისას  და გამოხატეს თავისი დამოკიდებულება ამა თუ იმ ფასეულობაზე.

           ღონისძიება იყო კოსტიუმირებული, დეკორაცია შექმნეს მშობლებმა - დიდ ბანერზე გადაჭიმული იყო ლურჯი ცა, რომელზეც შეიკერა 7 ფერით ცისარტყელა, ნიშნად კაცობრიობის მრავალეროვნებისა და მრავალფეროვნებისა. (ტოლერანტობა)

           ღონისძიების სახელწოდება იყო „თავაზიანობის სკოლა“. იგი გაიხსნა სიმღერით „გმადლობთ, ბოდიში“, რომელსაც „თავაზიანობის სკოლის“ მოსწავლეები მღეროდნენ. მოულოდნელად სკოლა დაიპყრო ბოროტმა ყარაბასმა და მისმა დამქაშებმა (ყარაბასი იყო თანამედროვე). მათ მოინდომეს მოთხრობის გმირების იგივე „თავაზიანობის სკოლის“ მოსწავლეების, გავლენის ქვეშ მოქცევა და მათი ბოროტებად, უზრდელებად, ჯიუტებად და კაცთმოძულეებად გადაკეთება. „თავზიანობის სკოლის“ მოსწავლეებმა კი, თავის მხრივ, გადაწყვიტეს ყარაბასი გაემხიარულებინათ, ღიმილი ესწავლებინათ, თავაზიანი სიტყვები და გამოთქმებიც ესწავლებინათ. ამ ყველაფრის შემდეგ მას სიკეთის კეთება მოუნდებოდა, სიკეთე კი აკეთილშობილებს ადამიანს. თოჯინები ფიქრობდნენ, რომ კეთილშობილი ყარაბასი თავისუფლებას  აჩუქებდა!

                      ამ ყველაფრის მიღწევა მათ სპექტაკლების ჩვენებით გადაწყვიტეს. თოჯინებს ბეტმენი, პიერო, მალვინა და ბურატინო, თავისი სიკეთის გასაღებით, დაეხმარნენ. იცოდნენ, რომ სიკეთის გასაღები ყველა გულის კარებს აღებს.

                    ღონისძიებისთვის ვთარგმნეთ სიმღერები ქართულ ენაზე: კინო-ფილმიდან „ბურატინო“, ანიმაციური ფილმებიდან „ნამცეცა ენოტი“ (От улыбки хмурый день светлей) და „კაპიტან ვრუნგელის თავგადასავალი“ (Мы бандито, гангстерито)...

          მოთხრობების თეატრალური წარმოდგენით ბავშვები ეცადნენ აეხსნათ, თუ რა არის სიკეთის კეთება, როგორი კარგია, როცა ვინმეზე ზრუნავ, როცა ვინმე პატივს გცემს. რა ბედნიერი ხარ, როცა იცი რომ ვიღაცას უყვარხარ.

          სპეკტაკლის ბოლოს მონაწილეები აკეთებდნენ დასკვნას - თუ რა ისწავლეს, და ამბობდნენ შესაბამისი ფასეულობის დეფინიციას. დასკვნას აკეთებდა ყარაბასიც და ასე ნაბიჯ-ნაბიჯ ტრანსფორმირდებოდა იგი. მას და მის დამქაშებს გაუჩნდათ სურვილი ემეგობრათ ბავშვებთან, მოუნდათ  ეზრუნათ  ვინმეზე, გამოეხატათ სიყვარული და ეგრძნოთ ბედნიერება... და ეს, პირველი ბედნიერება, მაშინ მოვიდა, როცა თოჯინებს თავისუფლება აჩუქა!

ღონისძიება დასრულდა სიმღერით „დიდს და პატარას უყვარს ზღაპარი“, სადაც მოვიხსენიეთ ღონისძიების ყველა გმირი...

სიმღერები

გმადლობთ, ბოდიში

ქუჩაში თუ ავტობუსში,

ტაქსის ლოდინში,

ორი სიტყვა სულ გახსოვდეთ

გმადლობთ, ბოდიში!

გმადლობთ, ბოდიში!

გმადლობთ, ბოდიში!

სტუმრად ხარ თუ მეზობელთან,

თუნდაც ეზოში,

ორი სიტყვა სულ თან გახლავს

გმადლობთ, ბოდიში!

გმადლობთ, ბოდიში!

გმადლობთ, ბოდიში!

ყარაბასის და დამქაშების სიმღერა

ყარაბასი:

(Мы бандито, гангстерито)

 მე ვარ კაცი, ვარ მამაცი,

ყარაბასი-ბარაბასი. o,yes!

ჩემი შიშით მიწა იძვრის

ყველასა სცემს შიშის ზარი!

ცხრაკლიტულში გამოვკეტე,

თოჯინები საიმედოდ, o, yes!

„გამიშვითო!“ - ამის თხოვნა

ვინმემ არც კი გამიბედოს!

„გამიშვითო!“ - ამის თხოვნა

ვინმემ არც კი გამიბედოს!

დამქაშები:

არის კაცი, ეს მამაცი,

 ყარაბასი-ბარაბასი! o, yes!

მისი შიშით, მიწა იძვრის,

ყველასა სცემს შიშის ზარი

ცხრაკლიტულში გამოვკეტეთ,

თოჯინები საიმედოდ, o, yes!

„გაგვიშვითო!“ - ამის თხოვნა

ვინმემ არც კი გაგვიბედოს!

„გაგვიშვითო!“ - ამის თხოვნა

ვინმემ არც კი გაგვიბედოს!

ბურატინო, მალვინა და პიერო

ბურატინო:

აქ მე თვითონ გესტუმრეთ,

ყველა მიცნობთ ალბათ მე,

მალვინა და პიერო:

მხიარული ბიჭუნა,

უცნაური სახელით,

ბავშვებისთვის საყვარელი

 გმირი არის ასეთი:

ბუ        რა         ტი          ნო

ბუ - რა - ტი - ნო!

ბუ - რა - ტი - ნო!

ცისარტყელა (от улыбки)

გაიღიმეთ და განათდება,

ღიმილისგან ცაზე ჩნდება ცისარტყელა,

კეთილ საქმეს თუ გააკეთებ,

სიკეთე შენი უკან დაგიბრუნდება.

მისამღერი:

როცა ყველა ერთად ვართ,

 მაშინ ძლიერები ვართ

და ვერავინ მოგვერევა ქვეყანაზე.

დაიჯერე ყარაბას - გაუღიმე ქვეყანას,

ღიმილით ხომ  შეგვიძლია მეგობრობა!

ზღაპარი

დიდს და პატარას უყვარს ზღაპარი,

ოღონდ ამის მთქმელი არვინ არის,

ეს ზღაპრები რა ქვეყნიდან მოდის,

ის, რაც მოხდა, თუ მოხდება

როდის?

მისამღერი:

ბაჭია და ზღარბი ზაზღუ,

ბეკეკა და გოჭი ღუტუ,

ფარშევანგი დამქაშები,

ყარაბასი-ბარაბასი.

          მალვინა და ბურატინო,

          ლალიკო და გოგო ნინო,

           ბეტმენი და დონ პიერო

           ზღაპარ იყო, ზღაპარ იყო

           იყო და არა იყო რა.

ყველა გმირი მიყვარს,

ცუდიც, კარგიც.

ზღაპრის ბოლო რომ კეთილი არის,

ზღაპრებიდან ვიგებთ ამბებს, თანაც

ზღაპრებია ჩვენი იავნანა.

მისამღერი:

მამალი და ინდაური,

ჭიანჭველა შინაური,

აიები, მაიები,

ციცქნა ჭიამაიები,

კუ  კუსუნა  კუსკუსუნა

მეთევზეა ეს ფისუნა,

დიდი სპილო, კაცი ქონდრის,

ყველას ერთად რა ჩამოთვლის, რა

ჭირი იქ, ლხინი აქაო,

ქატო იქ, ფქვილი აქაო

ღმერთმა მოგვცეს სიკეთე და

ბლომად პური ბარაქაო.

თეა ლობჟანიძის მოთხრობა - "ღუტუნას მუცელი ასტკივდა"

ბავშვებმა წაიკითხეს მოთხრობა "ღუტუნას მუცელი ასტკივდა". ძალიან მოეწონათ და მოინდომეს ამ მოთხრობის ინსცენირება. ჯერ ნიღბები გამოჭრეს, შემდეგ როლები მოირგეს და ხალისით ჩაატარეს გაკვეთილი.
(მოთხრობა დაწერილია პროექტის "ფასეულობები ძალადობის წინააღმდეგ"ფარგლებში.)

ჯერ შაკომ მოირგო ღუტუნას როლი...



შემდეგ ნინი იყო ღუტუნა და დაალევინა თუ არა წამალი ინდაურმა...


შემდეგ ყველამ ერთად ჩართო მუსიკა და იხალისეს...